Logo
2019 සැප්තැම්බර් මස 19 වැනි බ්‍රහස්පතින්දා

සබඳතා ගිලිහුණු චන්ද්‍රාන් -2



සඳ මතට ගොඩබැස්සවීමට මොහොතකට පෙර චන්ද්‍රයාන් 2 අභ්‍යවකාශ යානය සමග තිබූ සබඳතා ගිලිහී ගිය බව ඉන්දියානු අභ්‍යවකාශ පර්යේෂණ ආයතනය පවසයි.

සඳෙහි කක්ෂගතවී තිබූ යානය අද (07) එහි දකුණු ධ්‍රැවයට ගොඩබැස්වීමට නියමිතව තිබිණි.

චන්ද්‍රයාන් 2 යානයේ නැවතුම් දැරුම පාලිත තත්ත්ව යටතේ සඳ මතට පහත් කිරිමට සැලසුම් කර තිබූ බවත් සියල්ල සාමාන්‍ය ආකාරයට සිදුවූ නමුත් කිලෝමීටර් 2.1ක උසකදී සබඳතා ගිලිහී ගිය බවත් පර්යේෂකයෝ සඳහන් කරති.

ඉන්දියානු අභ්‍යවකාශ පර්යේෂණ ආයතනයේ සභාපති කේ. සිවාන් මහතා පවසන්නේ දත්ත විෂ්ලේෂණය කරමින් පවතින බවයි.

පර්යේෂණ ආයතනයේ බෙන්ගලාරු මෙහෙයුම් මධ්‍යස්ථානයේ මැදිරියේ විද්‍යාඥයින් ගල්ගැසී නිසොල්මන් වුණු බවත් එය ඉකා දුක්මුසු අවස්ථාවක් වූ බවත් මාධ්‍ය වාර්තා කර ඇත.

ජීවිතයේ ගොඩනැගීම් සහ බිඳවැටීම් සාමාන්‍යයෙන් සිදුවුවද ලබාගත් ජයග්‍රහණය සුළුකොට නොතැකිය යුතු බව ආයතනය වෙත පැමිණි ඉන්දීය අගමැති නරේන්ද්‍ර මෝදි මහතා පවසා තිබේ.

කෙසේවුවද රෝවරය සඳමත පතිත වීමේදී බලාපොරොත්තු වූ වේගයට වඩා වැඩි වේගයෙන් ගමන් කර විනාශ වන්නට ඇතැයි සැකකරන බව ද අගමැතිවරයා සඳහන් කරයි.

ඔහු වැඩිදුරටත් පවසා ඇත්තේ "අපගේ ආත්ම විශ්වාසය බිඳවැටී නැහැ. ඉදිරිය සුබදායකයි" යනුවෙනි.

සටහන- ධම්මික සමරතුංග






Helabima. All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'